2019年1月12日星期六

老病兩相依

最近終於睇埋繼“師父·明白了”、“愛我請留言”後第三部曲——“陪著你走”,雖為同導演同編審嘅創作,但今次男女主角已改為陳豪、胡杏兒,另外一眾演員亦有好多變更。男女主角轉咗演員,我估有一定原因,因為故事環繞中年人同盲人而成,改為陳豪演中年人、胡杏兒演盲人更為適合。正如我因“愛我請留言”而寫嘅一篇“生離死别”,由人生必經四事(生、老、病、死)中選取“生、死”為題;而“陪著你走”就另取“老、病”為材而成。

今次陳豪劇中名字叫“甘言重”,而胡杏兒叫“宋天從”,名字上已無對上兩劇主角名稱咁有玄機,尤其“甘言重”只配合近年韓劇而已。全劇得一條主軸,其他支綫其實好鬆散,可有可無。回説主綫,甘言重由第一個神來之筆嘅創作後,為要再創高峯而鞭策自己、鞭策別人,帶嚟自己嘅身心超負荷,亦不自覺地忽略、傷害身邊嘅人。到四十出頭,回望過去,覺得要停一停全面檢視一下自己嘅過去與現在,先可再起步向前,面對將來。哩條就係“老、病”中“老”嘅主題,有得老已係一種福氣,朋友新婚一年去泰國遇溺身故,未老先死,感慨萬分。有研究話人踏入25歲已開始衰老,當然自己未必察覺,我就到四十出頭就好覺,身心都要調整,所以劇中男主角發現自己有老花,感同身受,進而對人生觀、價值觀……都有所改變。

而女主角胡杏兒劇中因一次同父母旅行遇意外而父母雙亡,而自己從此失明,對於父母生命嘅突然終結,連一聲道别機會都無;繼而因車禍而喪失視力,生活因生巨變,人生跌落低谷之時,好在有導盲犬作伴同幫助而振作一些,但因男朋友對佢嘅感情驟生叛變,最初只得自我封閉、自責,直至男主角喺佢身邊出現,互相學習同扶持,繼而相愛。哩條就係以“病”而成嘅另一主題。其實成個愛情故事唔突出、難言激情,但亦因兩位主角各有經歷而變得另類。可惜男主角成日扮高深掛喺嘴邊嘅“愛是無所不能,笑就是永遠”,只覺煩厭。

所以三劇系列中以中間一劇(“愛我請留言”)我覺最可觀,值得推介。

最後以兩位主角嘅名字配以“老、病”嘅主題作咗以下兩句作結。
共樂
人生

後記:
淋病正虎向老人福利開刀,班保皇黨就扺打,只做舉手機器,但淋病都好陰濕。

沒有留言 :

發佈留言