2018年12月26日星期三

霧鎖馬鞍美如畫

朝早大尾篤行完山又食過燒烤,回家後見大家喺Whatsapp分享番所拍照片,其中兩幅同為遠眺馬鞍山,分别為兩個同學所拍,取景基本一樣,但手法、色調、情懷……略有不同,同樣捕捉到霧裹遠山嘅景色,猶似一幅水墨畫,佈局簡樸。突發對興,又作咗以下拆字聯。

還記得七年前同月行馬鞍山,當年天氣頗凍,第一次跨越哩座山,由一對喜愛行山夫妻帶領而行,有講有笑,十分歡唱。好景不常,哩次活動亦係我最後一次見我哩位朋友……過年後驚聞佢喺外地遇溺延醫一月,最終離世,感慨不已!

上聯:千里單騎霧裏闖,何方奇馬?
下聯:鉛鐵奇岩峯中藏,遠眺石山!
横批:霧鎖馬鞍美如畫

沒有留言 :

發佈留言