2018年12月31日星期一

小學朋友生日聯


2018除夕當日,有中學同學喺羣組恭賀另一位同學生日,之後就陸續有唔同賀詞或圖片貼出,好不熱鬧。話説哩位生日同學與我童年同讀一間小學,亦係街坊;升上同一中學嘅同學並不多,當年升中試仲有分五年或三年學位,可分派五年學位嘅並不多,所以同小學嘅同學中三後就多會分道揚鑣,我與哩位同學可幸同升到中七班。咁啱各自嘅老婆亦係同班同學,又係同一小學升中,而且仲老友鬼鬼添添。

講番哩位同學生日我本想又用佢個名玩吓拆字聯祝賀一番,但有一定難道,而且仲病病地,成個元旦假期差不多瞓哂。直至第二日返工後,因第一個工作天診所太多人睇病,未能預約得到時間,但老婆俾咗一啲慣常食嘅藥物我食都好番唔少,咁當晚有番啲精神又發揮我嘅頑童本色,今次無耐就俾我套用“加减部首”方法將個同學名字作咗三句謎面,第一時間喺Whatsapp羣組發放以作補祝生日之用。廖sir見後無耐就知其中玄機,又加多一句作尾另估一字,就係咁來來回回共湊合咗以下六句同一格式嘅拆字謎喇。有同學亦睇到其中一啲綫索,但最終由生日同學女兒估中全句,以作為賀詞向爸爸祝賀,咁就别具意義啦。

按祝賀句顯示謎底






沒有留言 :

發佈留言