2018年10月10日星期三

粉紅湖@西澳

話説哩個星期同兩個朋去咗西澳自駕旅行,其中一個影點名為“粉紅湖”(Pink Lake)。事前無睇過相關資料,不知面積有幾大,湖水係幾粉紅色……當駕車駛入湖嘅範圍就俾眼前嘅景象所懾。喺停車場稍為高少少之處向下望只覺大自然竟然會有咁嘅創造,粉紅色嘅湖水唔係親眼所見都難以置信,我覺得湖水其實更似一窩加咗蛋白嘅紅莧菜湯,因為有蛋白,所以原本紅色嘅莧菜湯加咗乳白色而成粉色,我有咁嘅聯想可能我素來喜歡食莧菜呢。

因為當前美影又引發我玩字嘅興趣,就用“粉紅湖”拆字成聯如下:
粉=米+分:米色雲朵,分明天際
紅=絲+工:絲絲入扣,工整有序
湖=水+胡:水平有限,胡説八道

前兩句係講美景,最後一句乃為自嘲一番啦。

我貼完以上拆字聯去中學同學Whatsapp羣組後,廖sir好快就回應話作句要四句先為完整,又拋出以下一句合成四句。
靚=青+見:青山綠水,見主偉大

我見拆字唔係唔通,只係上句不對景象,因為湖非綠水吖嘛。所以我就回敬以下一句,覺得更貼題呢,而且内藏“粉紅”二字喎。
靚=青+見:青春黛,見醉

沒有留言 :

發佈留言