2018年8月15日星期三

英紅無累

今篇標題唔好以為係咪寫錯原為“英雄無淚”呢?無寫錯,因為係寫惠“英紅”嘅“無累”人生。今篇blog係源於睇咗早前報章刊登嘅一系列專訪有感而發所寫。

對惠英红嘅印象最早回到電影“霸王花”系列,當年仲讀緊書,因為哩個系列主角唔係佢,但感覺佢係“打得”之人,人前永遠係硬橋硬馬,無乜特别留意,儘管睇番網上資料,知道佢係1982第1屆香港電影金像獎最佳女主角得主,得獎影片係《長輩》,所以佢一出道就以動作電影方向發展。

但對佢再留意已係十年前追睇一套神怪電視劇《搜神傳》,惠英紅唔係女主角,而係女主角嘅阿媽,原為天上仙子,因與凡人發生情緣而留喺凡間。劇中她並非武打為重,而以文戲為主,但表現恰到好處;及後分演另一角色,性格迴異,但又得喎。原來再出番嚟台前演出之前,佢患上“抑鬰症”,當中心靈嘅掙紮,實不為外人道。

之後睇過佢一啲電影,各有表現,入情入戲。到佢近年有報道關於佢同阿媽嘅關係與相處,例如阿媽得到“認知障礙症”後嘅難處,及至近年阿媽過身等等……為人子女,身同感受,亦充分反應佢感性嘅一面。

最後以“英紅”哩個名字拆字成聯作結,概括我對佢嘅觀感。
根成長孝未
累銖積默作
英=艸(草)+央
紅=糹(絲)+工

參考:
※網上另一篇十多年前嘅報道《留言集:英紅無淚 惠英紅

沒有留言 :

發佈留言