2018年7月1日星期日

64x71

寫哩篇時正值七月一日,係香港回歸21個年頭,但觀乎近十年強國對香港實行一國兩制下嘅僭越,令人氣憤,最悲哀係有唔少香港政治狗賊搞到烏煙瘴氣。最黑暗嘅時期係由狼鷹呃咗個特區首長位開始,無能但搞事,一年前終於完過五年嘅任期,好在佢無得留低,仲想話連任?換屆其實唔係換個表面無咁乞人憎嘅另一個傀儡咋。

其實上月頭已想寫近代另一影響香港更加深遠嘅政治事件,更令人心痛、氣憤,29年前天安門廣場嘅一幕毫無人情、反文明嘅鎮壓事件,今唔少對中國有抱負、有熱情嘅年青一代受到無情嘅毀滅,唔只係生命嘅結束,亦係對國家嘅控訴。當年血腥鎮壓事件控哄動全球,香港各界紛紛以各種形式作出譴責,其中唔少回歸後已良心盡失,攀附喺強國以黨權力為中心之上,推翻以前嘅一切,就好似變咗另一個人,哩類變色龍比比皆是,無良心但被推上權力高處,處處以為有權就有理。

六月炎天令人唞不過氣,行過平時行過嘅路旁,高高嘅杧果樹已見果實纍纍,但要結出果實並唔係必然嘅,杧果要係炎夏先開花,越熱越盛,但最忌係一場不合時嘅大雨,另花授唔到粉就結不出果實。正如當年集合喺天安門廣場嘅嘅熱血青年,恰如繁花似錦,有理想,理應前途無限,但被強國領導人用軍人、武器殘殺,以腥風血雨摧殘人民嘅心花。

承接以住幾年(201520162017)嘅創作,今年已係第四年,特以杧果(一般亦有寫作“芒果”,但既為樹木,所以應從“木”)創作以下一聯,以作警惕與反省。

亡廿九載,未忘六四心
木田地過,愧對八九時

略作解釋:
芒=廿(艸)+亡
果=田+木
杧=木+亡
苗=廿(艸)+田

沒有留言 :

發佈留言